skal det også bli vindmøllene sitt rike?

I Solund er det konsesjonssøkt 3 vindmølleparkar, det eine anlegget åleine vil beslaglegge bortimot halve arealet på øya med nest mest folk – Ytre Sula. Dette er Sula Kraft sitt anlegg med 39 møller. På same øy er det konsesjonssøkt eit lite anlegg på 3 møller. På hovudøya har SAE Vind konsesjonssøkt eit anlegg med 55 møller, som blant anna vil delvis beslaglegge utmarksområdet til den største garden i Solund.

Skrive av Otto Einen, 2.kandidat for Solund Høgre

Som eitt av få parti i Solund, har Solund Høgre tatt eit standpunkt i spørsmålet om vindkraftutbygging. Etter å ha vekta negative og positive sider ved vindkraft har vi sagt at vi er positive til ei utbygging av vindkraft i kommunen. Bakgrunnen for dette er at vi meiner å sjå større fordelar enn ulemper ved ei utbygging.

Skrive av: Ole Gunnar Krakhellen, ordførarkandidat for Solund Høgre

Solund kommune har eit fortrinn som står klare fram enn nokon anna, vi har nærleik til sjø. Vi som har vokse opp her ute er vande til å ha sjøen rundt oss, og vi er knytt til den. Då er det klart at det må tilretteleggast for at vi skal kunne byggje og bu på attraktive og sjønære tomter. Eg trur det må innrømmast at innsatsen frå kommunen si side her har vore for dårleg. Tilrettelegging av bustadfelt er ein jobb ein aldri heilt er ferdig med. Når eitt felt er ferdigregulert bør ein meir eller mindre begynne og arbeide på det neste.

Regjeringa si målsetjing for kulturskuletilbodet er eit ”kulturskuletilbod av god kvalitet til ein rimeleg pris, for alle barn som ønskjer det”. Opplæringslova slær fast at ”alle kommunar skal, åleine eller i samarbeid med andre kommunar, ha eit kulturskuletilbod til barn og unge, organisert i tilknyting til skuleverket og kulturlivet elles”. Det er vidare etablert ei felles forståing for utviklinga av kulturskulane som lokale ressurssenter, og at det er eit lokalt ansvar å legge til rette for gjennomføringa av dei overordna føringane.

Skrive av: Ole Gunnar Krakhellen, ordførarkandidat for Solund Høgre

Firda har gjort ein god jobb med å sjå over kva kommunar som har tatt ungdom med seg på sine lister. I sitt oversyn over prosentandel ungdom som er 25år eller yngre blant listekandidatane, har dei særleg framheva Flora. Det er ikkje tvil om at partia i Flora har gjort ein kjempejobb med å få med seg ungdom på listene sine, heile 9.5% av kandidatane er 25år eller yngre. Det som vert nemnt meir i ein bisetning frå Firda si side, er det faktum at Solund har same prosentandel av ungdom på sine lister. Solund Høgre har 2 kandidatar som er 25år eller yngre, inkludert underteikna som i tillegg er ordførarkandidat for partiet.

Dette er 5-åringane sin skuleveg

Under denne overskrifta kan ein i dag 25-8, lese på Firda si nettside om eit

I Solund er det to selskaper som har søkt om konsesjon for utbygging av

I sak etter sak kjem Vestlandet dårlig ut i forhold til det sentrale

Solund kommune er ein rein øykommune der me er prisgitt offentlige

Raudt Sogn og Fjordane vil at Fjord1 skal vere styrt av interessene til brukarane, lokalsamfunna og arbeidstakarane. Difor går vi mot at det private Mørefirmaet Havila skal få kjøpe deler av selskapet. Ei slik privatisering vil gje snevre bedriftsøkonomiske vurderingar sterkare plass i selskapet. Eller som Negotia-tillitsvalt i Fjord1, Daniel Nedrelid, seier i avisa Firda 18. aug.: ”Havila gjer ikkje dette for å vere snille. Dei er på jakt etter å tene pengar.”

Det vil vere ein politisk tragedie dersom dei raudgrøne på fylkesutvalsmøtet i morgon og fylkestinget 25. aug. bryt med det mange har oppfatta som eit varemerke; styrke den offentlege eigarskapen for å styrke folkestyret. Dersom Raudt hadde vore på fylkestinget, ville vi ha teke til motmæle mot dette knefallet for private profittinteresser.

Samfunnsdemokratane vil kjøpe tilbake fylkesbåtane, og få flagget til topps igjen!

Kreftene og arbeidsstyrken vår må nyttast til verdiskaping og gode tenester i Sogn og Fjordane.

Av Ole Gunnar Krakhellen, ordførarkandidat for Solund Høgre

I Solund er det seks lister til kommunevalet i haust. Det vil seie at over 10 prosent av veljarane er listekandidatar. Når vi som kandidatar har takka ja til å stå på listene har vi nok tenkt gjennom kvifor vi ynskjer å stille til val. Dette gjeld spesielt for dei av oss som står øvst på desse listene, nokre av oss kallar oss endåtil ordførarkandidatar. Eg er ein av dei som har stilt til val som ordførarkandidat, og eg stiller for Solund Høgre. I prosessen fram til at eg tok på meg dette, tenkte eg gjennom kvifor eg eventuelt burde takke ja, og kva eg kan bidra med. Dei tankane eg då gjorde meg, meiner eg at veljarane i Solund også burde få eit innblikk i.

Solund Frp vil ta grep om eldreomsorgen og gjere Solundheimen om til ein heim etter Lotte-modellen frå Danmark.

Det handler om å fjerne institusjonspreget. Dei ansatte trenger ikkje gå rundt

Å bu i ein kommune med 1700 øyer holmer og skjær er noko innbyggerene

*Den siste tida har det vore fokus på politidekninga i Sogn og Fjordane. Her har det vore sett fokus på manglande finansiering av politibåt langs kysten vår samt sommarstengte lensmannskontor. Skal vi kunne tilby innbyggjarane gode tenester og trygge lokalsamfunn så er tilgang til politi viktig. *

Ut frå politiet sine eigne berekningar burde ein ha 2 politistillingar per 1000 innbyggjar (kjelde: https://www.politi.no/vedlegg/rapport/Vedlegg_561.pdf). Det er ikkje mange år sidan at dette ikkje berre var ei målsetjing, men ein realitet i Solund. Ved Solund lensmannskontor var det ein lensmann og ein lensmannsbetjent som hadde både kontorstad og bustadsadresse i Solund. Ein situasjon innbyggjarane var tilfreds med.

Sogn og Fjordane står føre ein drastisk nedgang i elevtal i den vidaregåande skulen i dei komande åra. Det er rett og slett for mange bygg og for mange klassar i høve elevtalet. Enkelte meiner at heile fire vidaregåande skular må vekk. Høgre ynskjer å sjå på dette som ei utfordring meir enn som eit problem. Og då må vi som skuleeigar ha større ambisjonar for skulane våre og auke attraktiviteten til desse.

Vår fylkesordførarkandidat Noralv Distad har lansert Høgre sin programfesta tanke om å gjere skulevalet friare, og gjere det enklare for elevar frå andre fylke å gå på vidaregåande skule i Sogn og Fjordane. Vi er visse på at vi har så mange gode fagmiljø, så mange flinke lærarar og så godt omdømme at vi skal kunne klare å tiltrekke oss ein heil del elevar frå andre fylke. Ja kanskje frå andre land til og med?

Fredag 24. juni var Sogn og Fjordane Høgre sin fylkesordførarkandidat, Noralv Distad, på besøk til Solund. I løpet av dagen var han med på fleire bedriftsbesøk og dagen vart avslutta med eit ope temamøte om samferdsle og næringspolitikk. Med på rundturen var mellom anna lokallagsleiar og ordførarkandidat for Solund Høgre, Ole Gunnar Krakhellen. Tilbakemeldingane frå innbyggjarar og næringsliv var heilt klare: -Vi treng handlingsrom og infrastruktur.

- For Solund kommune er gode kommunikasjonar og ein skikkeleg infrastruktur veldig viktig. Difor inviterte vi vår fylkesordførarkandidat til Solund slik at vi kunne syne han rundt i kommunen og tydeleggjere utfordringane vi har, men ikkje minst moglegheitene vi har, seier ordførarkandidat Ole Gunnar Krakhellen.